Сны Ктулху. Sny Ktulkhu

More about the book

ამ წიგნის პერსონაჟები უძველესი ღმერთები, უჩხულები, კიბორჩხალას მსგავსი მახინჯი არსებები, ეშმაკთა ნაშიერები და სანახევროდ შეშლილი ადამიანები არიან. აქ ხშირად შეხვდებით საიდუმლო კულტის მიმდევრებს, მათ მიერ აღვლენილ სასტიკ რიტუალებს, ბაყაყებად ქცეულ ადამიანებს და უპირველეს ყოვლისა - ღვთაება ქთულჰუს, რომელიც აბსოლუტურ ბოროტებას განასახიერებს და ნებისმიერ პლანეტაზე ბევრად ხნისა არის. ჰოვარდ ლავკრაფტმა, რომლის შემოქმედებასაც "კოსმოსურ ჰორორად" მოიხსენიებენ, საშინელებათა ჟანრს "დიდ ლიტერატურაში" საპატიო ადგილი დაუმკვიდრა. მწერალი შესანიშნავად ახერხებდა, უაღრესად დამთრგუნველი და დაძაბული ატმოსფერო შეექმნა, რომელსაც მკითხველი ისე განიცდის, თითქოს თავად იყოს მოთხრობის პერსონაჟი - თავად ეძებდეს უცნობი პლანეტის, იოგგოტის ბინადრებს ვერმონტის მაღალ მთებში, ან წყვდიადში ჩაძირულს, არაამქვეყნიური, საზარელი ხმები ესმოდეს. ეს წიგნი არაა მათთვის, ვინც რომანტიკასა და ბედნიერ დასასრულს ელის. ეს წიგნი იმათთვისაა, ვისაც უცხო გალაქტიკები აინტერესებს, ვისაც სჯერა, რომ მოცემულ საგნებსა და მოვლებს მიღმა, რაღაც სხვაც არსებობს - ვინც იცის, რომ შეუძლებელია სამყარო მხოლოდ ის იყოს, რასაც ჩვენი თვალები ხედავენ.