Noch ein bäten Plattdütsch

Neue Plattdeutsche Kurzgeschichten und Gedichte, wieder zum Schmunzeln ... Leseprobe UP REISEN Wilma un Else makten jedet Johr eine Busreis. Wenn man de Rent ook nich üppig wier, dat günnten sei sick. Sei wüssten all, dat de Bus alle twei Stunnen Rast makte, dormit jedein eins up Klo künn. Üm Geld tau sporen, lösten sick de beiden Frugens dorbi ümmer aw. Wenn ein farig wier, leet sei de anner dörch de apen Dör fix rinwutschen. Doch eins mallörte dat Elsing in ‛t Utland ganz bannig. As sei de Dör achter sick tau makte, hürten de anner Frugens ut disse Kabin tauierst ein Prasseln un Platschen, denn ein Susen un dormang ümmer wedder dat Krieschen von Else. Pudelnatt keem sei ut de Toilett rut. Ein Bild tau ‛n Jammern. Wat wier passiert? Dat wier ein Automatiktoilett, de sick sülwst mit Water un Heitluft, dat WC, de Wänn un den Fautbaden, reinigt. Un Elsing middenmang!!! Wat sei ook versöchte, de Dör güng nich apen un ünnerstellen künn sei sick ook nich! Allens mösst sei öwer sick ergahn laten. Nu segg mal einer, dat Reisen nix nich bringt. Disse Lektion hett bi de Reisegesellschaft Wunner wirkt. Von wägen sporen! De duwwelte Nutzung för einen Daler wier nu vörbi. Sogor Wilma un Else laten nu ehre Münzen in den Automaten klimpern.