Klia

Dat wier eins in ein Land in‛n Nurden, mit wiete Feller, stille Wader un deipe Wälder. Dor läwten näben Planten und Dierten ok allerhand Waldgeisters: Elfen, Feen, Kobolde, Töwerer … Twei Wäsen aewer wieren von ganz besonnere Ort: ein Fee, de ok Elfe und Minsch sien, un ein ollen Bom, de spräken künn. Sei lähnte sick giern an sienen knörrigen Stamm un sprök mit em öwer den‛n Wald, sien Inwahners un de Minschen, de gelägentlich keemen un sick sihr eigenorig verhölen. Mennigmal frög sei em ok wat, un hei antertete mit deipe Stimm. Ofteins seeten se ok blot bie‛nanner und sweegen. Ok so künnen se sick gaut verstahn, denn de Waldwäsen hebben besonnere Gawen. Dat Wiertvullst in dit Land aewer wieren de Kinner!